Moderatorja më e komentuar e showbiz-it shqiptar dhe rrjeteve sociale, Luana Vjollca, ka përmbyllur mbrëmë me sukses një tjetër edicion të spektaklit të njohur “Ferma VIP”, duke rrëmbyer vëmendjen e publikut me paraqitjen e saj të fundit.
Finalja e madhe nuk u shënua vetëm nga emocionet e spektaklit, por edhe nga look-u i komentuar gjerësisht i moderatores, që ndezi rrjetet sociale. Në imazhet e publikuara në profilin e saj në Instagram, Luana u shfaq me një veshje që u prit me reagime të përziera nga ndjekësit – disa e komplimentuan për elegancën dhe stilin modern, ndërsa të tjerë e kritikuan për zgjedhjen e guximshme.
Megjithatë, si zakonisht, Luana Vjollca arriti të jetë në qendër të vëmendjes mediatike dhe virtuale, duke dëshmuar edhe një herë ndikimin e saj si një nga figurat më të fuqishme të ekranit dhe rrjeteve sociale në Shqipëri dhe më gjerë.
