Këngëtari Luiz Ejlli ka reaguar ashpër ndaj spekulimeve që kanë qarkulluar në rrjetet sociale dhe media lidhur me emrin e tij. Përmes një postimi në Instastory, ai ka mohuar kategorikisht çdo përfshirje në programin “Ferma VIP” apo në ndonjë forcë politike.
“Mendoja se do ndalonit, por jo!” – ka shkruar ai, duke shtuar se nuk ka pasur asnjë kontakt me ndonjë person dhe nuk ka bërë asnjë telefonatë lidhur me pjesëmarrjen në këtë reality show.
Në vijim të reagimit, ai ka theksuar se nuk do të jetë pjesë e asnjë ferme dhe nuk ka ndërmend të kandidojë për ndonjë forcë politike. Në fund, ai ka apeluar për ndalimin e përhapjes së lajmeve të rreme, duke thënë: “Boll se nuk ka më lezet!”
Ky reagim vjen pas disa ditësh aludimesh dhe thashethemesh që kanë qarkulluar në media dhe rrjete sociale për rikthimin e tij në televizion apo përfshirjen e mundshme në politikë.
