18.5 C
Tiranë
Saturday, April 5, 2025
spot_img

Lulzim Berisha ekstradohet në Shqipëri, kush është ish-kreu i “Bandës së Durrësit”

Ish-kreu i famëkeq i “Bandës së Durrësit”, Lulzim Berisha, është ekstraduar nga Spanja në Shqipëri, pas një beteje të gjatë ligjore për të shmangur kthimin në vendlindje. Berisha ishte shpallur në kërkim nga autoritetet shqiptare që prej vitit 2022 dhe u arrestua në Spanjë, ku qëndroi për 15 muaj, duke përdorur një identitet bullgar.

Në momentin e arrestimit, ai u gjet i transformuar fizikisht, me mjekër të bardhë dhe tatuazhe në duar. Pavarësisht përpjekjeve të tij për të shmangur ekstradimin, Gjykata Kombëtare e Spanjës vendosi ta dorëzojë atë tek autoritetet shqiptare.

Kush është Lulzim Berisha?

Lulzim Berisha konsiderohet si një nga figurat më të rëndësishme të krimit të organizuar në Shqipëri. Ai drejtoi për më shumë se një dekadë “Bandën e Durrësit”, e cila akuzohet për një seri vrasjesh dhe veprimtarish kriminale, duke përfshirë trafik droge dhe armësh.

Historiku i krimeve të “Bandës së Durrësit”
• 17 tetor 1998 – Banda e Durrësit, e drejtuar nga Lulzim Berisha dhe Klodian Saliu, akuzohet për vrasjen e Dritan Sallakut.
• 29 tetor 1998 – Ekzekutimi i Viron Currit dhe Arjan Pajës, ku u plagos edhe Marsel Sotiri.
• 22 gusht 1999 – Marsel Sotiri, i mbijetuar nga atentati i vitit 1998, ekzekutohet në lagjen Plazh, Durrës.
• 9 korrik 2000 – Banda organizon vrasjen e Dritan Dishës në Shënavlash, Durrës.
• 14 janar 2002 – Ekzekutohet Ervin Lame në Durrës.
• 2003 – Organizata ndahet në dy grupe rivale: një i drejtuar nga Berisha dhe tjetri nga Klodian Saliu.
• 26 shkurt 2005 – Banda e Berishës organizon vrasjen e Klodian Saliut pranë Maminasit.
• 13 tetor 2005 – Indrit Dokle, pasardhësi i Saliut, ekzekuton Avni Gashin, trupin e të cilit e hedh në Romanat, Durrës.
• 30 tetor 2005 – Vritet Ilir Kolgjini, miku i Lulzim Berishës, pranë stadiumit “Qemal Stafa”.
• 6 prill 2006 – Lulzim Berisha arrestohet në Maqedoni pas një urdhri ndërkombëtar arresti të lëshuar nga Shqipëria.

Berisha ishte liruar më herët nga drejtësia shqiptare, por më pas u shpall sërish në kërkim. Pas ekstradimit të tij, pritet të përballet me akuzat e ngritura ndaj tij në Shqipëri.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Foto/ Briseida Cakerri, kandidate për deputete në Rajonin 3, në terren me qytetarët dhe...

0
Kandidatja për deputete e Partisë Socialiste në Rajonin 3, Briseida Cakerri, zhvilloi sot një ditë intensive takimesh në terren, ku vizitoi lagje të ndryshme...

Qeveria e Giorgia Melonit miraton dekretin e ri të sigurisë: protestuesit përleshen me policinë...

0
Qeveria e krahut të djathtë në Itali, e drejtuar nga kryeministrja Giorgia Meloni, ka miratuar të premten një projekt-ligj të ri sigurie, që sjell...

Shqipëria përfiton 922 milionë euro nga Plani i Rritjes së BE-së: 31 reforma për...

0
Shqipëria ka në dispozicion 922 milionë euro në dy vitet e ardhshme si pjesë e Planit të Rritjes së Bashkimit Europian për Ballkanin Perëndimor,...

Horoskopi ditor, e Shtunë, 5 Prill 2025

0
Dashi (21 Mars – 19 Prill): Do të ishte mirë t’i përkushtoheni vetes suaj. Shprehni idetë ‘me shpirt’ duke dhënë më të mirën e mundshme....

Parashikimi i motit, e Shtunë, 5 Prill 2025

0
Sipas MeteoAlb, orët e paradites do të vijojnë nën ndikimin e motit të kthjellët dhe vranësirave të lehta në bregdet dhe pjesërisht zonat e...