Lumi Shkumbin ka dalë nga shtrati, duke përmbytur tokat bujqësore brenda argjinaturës, si pasojë e prurjeve të shtuara nga moti i keq që ka përfshirë vendin ditët e fundit. Autoritetet paralajmërojnë se, sipas parashikimeve, lumi mund të dalë edhe jashtë argjinaturës, duke kërcënuar sipërfaqe më të mëdha tokash në zonën e Çermë Shkumbinit.

Situata paraqitet e ndërlikuar edhe në lumin Seman, i cili ka dalë nga shtrati në zonën e Ngurrëzës së Vogël deri në Imshtë. Tokat brenda argjinaturës atje ndodhen në kuota të ulëta, duke rritur rrezikun për përmbytje. Autoritetet lokale ndodhen në gatishmëri për të menaxhuar situatën dhe për të parandaluar dëme më të mëdha.