Deputeti i Partisë Demokratike, Saimir Korreshi, ka ngritur me tone të forta shqetësimin për nivelin alarmant të ndotjes në qytetin e Lushnjës. Gjatë fjalës së tij në Kuvend, Korreshi u shpreh se situata është përkeqësuar ndjeshëm dhe sipas tij autoritetet nuk po bëjnë asnjë investim serioz për ta zgjidhur problemin.

“Lushnja qelbet. Kam thënë era p*rdhë. Kam dalë nga etika, por kjo është e vërteta. Po na helmoni,” deklaroi ai, duke theksuar se qytetarët nuk hapin dot dritaret për shkak të aromave të rënda që vijnë nga depozitat dhe zonat industriale.

Korreshi u shpreh se në Lushnjë “një dynja njerëzish” po vuajnë nga ndotja dhe akuzoi se investimet mungojnë prej vitesh:
“Janë dy gryka që funksionojnë atje, gjithë qyteti s’mund t’i hapë dritaret. Nuk jemi kundër bizneseve, por jo nën kurriz të qytetarëve,” tha ai.

Deputeti akuzoi drejtpërdrejt deputetët e PS-së dhe strukturat qeveritare për neglizhencë:
“Janë katër deputetë nga PS-ja, ministri i pestë, dhe nuk keni çuar asnjë lek. Depozitat qelben, del ujë sterrë i zi. Ikni rregulloni tymin se është turp,” përfundoi Korreshi.

Deklaratat e tij ndezën debat në sallë, duke rikthyer në qendër të vëmendjes çështjen e ndotjes së rëndë në Lushnjë, një problem që qytetarët e kanë denoncuar prej kohësh.