Një 30-vjeçar është arrestuar në flagrancë nga policia ditën e sotme pasi u kap duke qarkulluar me automjet, i armatosur me armë zjarri.

Gjatë kontrollit të automjetit të tij, i identifikuar si A.K., policia gjeti dhe sekuestroi një armë zjarri pistoletë, me krehër dhe municion luftarak.

“Shërbimet e Komisariatit të Policisë në Mallakastër kanë ngritur pika kontrolli dhe kanë organizuar punën për kapjen dhe arrestimin e tij, bazuar në informacionet e siguruara nga inteligjenca policore se një shtetas lëvizte me armë në qytet,” – njofton policia.

Arrestimi i 30-vjeçarit, banues në Tiranë, u bë në kuadër të planit operacional “Sundimi i ligjit”.