Një 14-vjeçare, nxënëse e shkollës Shkolla “Qemal Mici”, është larguar nga banesa e saj në Durrës që në orët e para të mëngjesit të sotëm, duke vënë në alarm familjarët dhe autoritetet.

Sipas deklarimeve të nënës së saj, B. Tusku, vajza ka qenë në shtëpi deri rreth orës 05:00 të mëngjesit, kohë kur ajo ishte zgjuar për konsumimin e syfyrit. Megjithatë, rreth orës 06:30, e mitura nuk është gjetur më në dhomën e saj.

Familjarët bëjnë me dije se në banesë është gjetur një letër, ku vajza kishte shkruar: “Po largohem, mos më kërkoni”, çka ka rritur edhe më shumë shqetësimin për fatin e saj.

Menjëherë pas konstatimit të mungesës, prindërit kanë nisur kërkimet, ndërsa është vënë re se 14-vjeçarja nuk është paraqitur as në shkollë gjatë mëngjesit. Për rastin është bërë edhe denoncimi në polici, ndërkohë që autoritetet kanë nisur verifikimet për gjetjen e saj.

Familja apelon për ndihmë nga qytetarët, duke kërkuar që kushdo që mund të ketë informacion apo ta ketë parë të miturën, të kontaktojë në numrat e mëposhtëm:
0693367135 / 0695523151

Rasti mbetet në ndjekje, ndërsa çdo informacion mund të jetë vendimtar për gjetjen sa më të shpejtë të 14-vjeçares.