Këshilli i Ministrave në Itali miratoi marrëveshjen ndërmjet kryeministres Giorgia Meloni dhe homologut shqiptar Edi Rama për transferimin e emigrantëve në Shëngjin. Projekti i ligjit për ratifikimin e kësaj marrëveshjeje ka marrë dritën jeshile , duke përcaktuar strukturat dhe rregullat për pritjen e emigrantëve në Shqipëri dhe mbulimin financiar të këtij procesi.

Palazzo Chigi në fakt ka dhënë miratimin e tij për projektligjin që ratifikon marrëveshjen e lidhur mes liderëve të dy vendeve.

Protokolli i prezantuar nga dy krerët e qeverive, Giorgia Meloni dhe Edi Rama, parashikon krijimin e strukturave në Shqipëri për të mirëpritur emigrantët që kanë zbarkuar në brigjet italiane. Projektligji përcakton mbulimin financiar dhe rregullat e para të zbatimit të planit.