Ish-banori i “Big Brother VIP Albania”, Keijsi Hyseni, ishte i ftuar në emisionin “Top Arena”, ku u përball me pyetje rreth jetës së tij personale dhe marrëdhënieve me Stelina Kurinën dhe Ina Aderin.

Gjatë intervistës, moderatorja Brikena Selmani e pyeti edhe për etiketimin si “tradhtar”, ndërsa Keijsi reagoi me humor:

Brikena Selmani: “Pse të ka dalë nami si tradhtar?”

Keijsi Hyseni: “Nuk e di, ju ma keni nxjerrë. Ti sidomos.”

Brikena Selmani: “Ne ta kemi nxjerrë me fakte, jo me fjalë.”

Keijsi Hyseni: “Jo. Ti ke qenë nga të parat që i ke nxjerrë ato fjalë.”

I pyetur për këngën “Malet”, ai tha se i kujton “një surprizë të veçantë që kam bërë për dikë më përpara”.

Biseda u ndal edhe te ndarja nga Ina Aderi, e cila më herët kishte deklaruar se arsyeja ishte mospërputhja e karaktereve. Keijsi konfirmoi këtë version:

Brikena Selmani: “Ina ka thënë se jeni ndarë për mospërputhje karakteresh. Çfarë ke ti për të thënë?”

Keijsi Hyseni: “Shumë e vërtetë, mospërputhje karakteresh.”

Ndërsa në pyetjen se me cilën nga dy vajzat ka qenë më i përfshirë emocionalisht, ai u përgjigj:

“Me të dyja vajzat kam pasur një histori, aventura të ndryshme, sepse me njërën isha në një emision, me tjetrën në një reality show. Të dyja kanë respektin e vet tek unë. I përshëndes të dyja dhe asgjë më shumë.”

Deklaratat e tij kanë ngjallur reagime në rrjetet sociale, ku fansat kanë komentuar raportet që ai ka pasur me dy ish-partneret e përfolura.