Bulevardi kryesor i kryeqytetit të Meksikës u transformua në një spektakël të gjallë me rastin e Ditës së të Vdekurve. Qindra qytetarë dolën në rrugë të veshur si “La Katrina”, me fytyra të pikturuara dhe kostume të detajuara, duke bërë një paradë mbresëlënëse që tërhoqi vëmendjen e banorëve dhe turistëve.

Kjo festë tradicionale pre-Hispanike synon të nderojë të ndjerit dhe njëkohësisht të celebrojë vazhdimësinë e jetës. Eventet e ditës përfshijnë parada, muzikë, valle dhe altarë kushtuar të afërmve të ndjerë, duke rikthyer çdo vit ngjyrat, simbolikën dhe kulturën e pasur meksikane në qendër të qytetit.