Kryeministri në detyrë i Kosovës, Albin Kurti, ka paralajmëruar se përveç balotazhit për zgjedhjet lokale, vendi mund të përballet me dy palë zgjedhje parlamentare, një herë gjatë dimrit dhe një herë në pranverë.

Në një konferencë për media, Kurti tha se mungesa e shumicës së deputetëve e bën të pamundur zgjedhjen e presidentit, pasi nuk mund të arrihen 81 vota të nevojshme brenda katër muajve të mbetur.

“Mbase është për të ardhur keq që përveç balotazhit do të duhet të kemi dy herë zgjedhje. Edhe zgjedhje në dimër edhe zgjedhje në pranverë. Sepse kur nuk arritëm t’i bëjmë 61 deputetë për një qeveri të re, atëherë është vështirë e imagjinueshme që do t’i bëjmë 81 për presidentin”, deklaroi Kurti.