Ministria e Brendshme spanjolle ka konfirmuar arrestimin e Lulzim Berishës, drejtuesit të një organizate kriminale të lidhur me vrasje dhe trafikim droge. Autoritetet shqiptare kanë insistuar në përcaktimin dhe kapjen e tij si një prioritet kryesor. Pas hetimeve dhe vëzhgimeve në bregdetin Levantin, Berisha u lokalizua dhe u arrestua në një apartament në San Juan de Alicante.

Lulzim Berisha është akuzuar për drejtimin e një organizate kriminale që ka kryer dhjetëra vrasje që nga viti 1998. Ai kërkohej për përfshirjen në vrasjen e dy personave në vitin 2005. Ministria e Brendshme bën të ditur se ai filloi aktivitetin e tij në vitet ’90 dhe mori emrin nga qyteti i Durrësit në Shqipëri. Berisha ishte një eksportues kryesor i kokainës dhe armëve në rajon. Arrestimi ndodhi ndërsa ai po përgatitej të zhvendoste një anëtar tjetër të organizatës së tij. Gjykata shqiptare dënoi anëtarët e tij me dënime të përjetshme në vitin 2012 për vrasje, zhvatje dhe rrëmbim.

“I arratisuri filloi aktivitetin e tij në organizatën kriminale që drejtonte në fillim të viteve ’90 dhe mori emrin e tij nga një nga qytetet më të rëndësishme të rajonit shqiptar, Durrësi, si simbol i kontrollit që kjo organizatë kishte arritur dhe falë saj do të ishte pozicionuar si eksportuesi kryesor i kokainës dhe armëve në vend. I arrestuari ishte në kërkim për vrasjen e dy personave, për larje hesapesh mes klaneve rivale që ndodhi në vitin 2005 dhe u zbardh 15 vjet më vonë”, thuhet në komunikatën e ministrisë së Brendshme të Spanjës. Në vitin 2012, një gjykatë shqiptare dënoi 16 anëtarë të organizatës së tij me katër dënime të përjetshme dhe 267 vjet burg për pjesën tjetër të anëtarëve për vrasje, zhvatje dhe rrëmbim. Autoritetet shqiptare këmbëngulën në rëndësinë dhe prioritetin e gjetjes së këtij personi.