Këtë javë, “Big Brother VIP Radio” rikthehet në valët e Top Albania Radio, ku banorët e shtëpisë më të famshme në vend po zhvillojnë intervista të drejtpërdrejta mbi përvojat e tyre në lojë.

Në studion e ngritur nga Top Albania Radio, Rogerti ishte i ftuar përballë Mirin dhe Selin, duke rrëfyer mendimet e tij për finalistët e mundshëm.

Kur u pyet për pesë finalistët, ai u shpreh me humor dhe sinqeritet:

“Unë mendoj që do jenë 4, por meqë po më kërkohen 5, atëherë ata janë: Miri, Rogert, Selin, Juela, Brikena.”

Për finalistin e parë, Rogerti nuk ngurroi të tregonte preferencën e tij:

“Miri e meriton finalen më shumë sesa të gjithë ne, ai më ka mbështetur, më ka sjellë qetësinë, jemi ndoshta dyshja më e fortë në historinë e Big Brotherit.”

Intervista e drejtpërdrejtë ka sjellë jo vetëm rrëfime personale, por edhe momentet më të sinqerta të lojës brenda shtëpisë.