1. Ditëlindja e 40-të e Princit Harry
Princi Harry festoi ditëlindjen e tij të 40-të më 15 shtator dhe mori një dhuratë të majme prej disa milionë dollarësh nga fondi mbretëror, krijuar nga Nëna Mbretëreshë kur ai ishte 10 vjeç. Këto fonde, që variojnë nga 7 deri në 8 milionë dollarë, pritet të investohen në rinovimin e rezidencës së tij luksoze në Montecito, ku Harry dhe Meghan Markle shpenzojnë shuma të mëdha për mirëmbajtje dhe stafin e vilës së tyre me nëntë dhoma gjumi, pishinë, fushë tenisi dhe palestër.

2. Zhaklin Lekatari në “Pardon My French”
E ftuar në episodin e parë të sezonit të ri të “Pardon My French”, Zhaklin Lekatari ndau përvojën e saj si opinioniste e “Big Brother Vip” dhe zbuloi projektin e saj të ri me Top Albania Radio, “S’e Kam me Ty”, ku do të trajtojë tema frymëzuese dhe do të diskutojë edhe për seksualitetin me ekspertë të fushës.

3.Billie Eilish përkrah Kamala Harris
Pas mbështetjes së Taylor Swift, Billie Eilish gjithashtu tregoi mbështetjen e saj për Kamala Harris dhe kandidaturën demokratike. Eilish publikoi një video ku shprehej se ajo dhe vëllai i saj Finneas do të votojnë për Harris, duke theksuar rëndësinë e mbrojtjes së lirisë riprodhuese, planetit dhe demokracisë, një qëndrim që godet drejtpërdrejt Donald Trump.

4.Naomi Campbell dhe bashkëpunimi me PrettyLittleThing

Supermodelja Naomi Campbell shpalli nisjen e agjencisë së saj të talenteve, KC Global Partnerships, në bashkëpunim me Umar Kamani, themeluesin e PrettyLittleThing. Kjo agjenci synon të krijojë bashkëpunime të suksesshme mes talenteve dhe markave, duke e vendosur Dubain si një qendër globale për inovacion dhe kulturë.

5.Elon Musk në krye të listës së më të pasurve në botë
Elon Musk mbetet personi më i pasur në botë për vitin 2024 me një pasuri prej 245 miliardë dollarësh, e ndihmuar nga rritja e aksioneve të Tesla dhe SpaceX. Tesla vazhdon të kryesojë tregun e makinave elektrike dhe teknologjive të energjisë së rinovueshme, ndërsa SpaceX po avancon eksplorimin hapësinor.