Deputeti i Partisë Demokratike, Flamur Noka vazhdon të qëndrojë te foltorja e Kuvendit duke hedhur akuza të forta në drejtim të kryetares së Kuvendit Lindita Nikollës për faktin se pse ai bashkë me disa kolegë është përjashtuar nga grupi parlamentar i PD-së. Ai iu drejtua Nikollës se do shkojë për ndjekje penale, sepse ka shkelur ligin dhe kushtetutën e Shqipërisë.

“Na

kanë zgjedhur demokratët dhe nuk na ka zgjedhur rilindja. Jepu deputetëve vendimin. Do shkosh për ndjekje penale për shkelje të rregullores dhe Kushtetutës”, tha ai.

Por, Nikolla theksoi se ka qenë grupi parlamentar i PD-së që i ka përjashtuar.  Ajo u bëri thirrje deputetëve të lirojnë foltoren për vijimin e seancës plenare.

“Parlamenti e zhvillon veprimtarinë mbi bazën e grupeve parlamentare, të cilat kanë rregulloren e tyre të brendshme, që të marrë vendime për të cilat  njofton kryetarin e Kuvendit dhe kryetari i kuvendit njofton seancën plenare.  Nëse doni vendimin e grupi parlamentar, ua vendos tani në dispozicion, sepse njëherë e keni marrë. Grupi parlamentar u ka përjashtuar nga grupi dhe detyra ime ka qenë të njoftojë seancën. Lirojeni foltoren, që të fillojmë. Nëse doni të merrni peng parlamentin e keni shumë gabim”, tha ajo.