Detaje të reja kanë dalë nga operacioni i ushtruar pasditen e kësaj të marte në Fier, në zonën e Roskovecit.

Burime policore bëjnë me dije se gjatë kontrolleve në biznesin e shtetasit Abiol Hada janë gjetur dhe sekuestruar: 2 armë zjarri kallashnikov, 2 pistoleta, 2 granata, si dhe sasi të konsiderueshme lënde narkotike, të dyshuara si drogë.

Hada është shoqëruar nga policia dhe ndaj tij po kryhen veprime hetimore, pasi ekzistojnë dyshime për lidhje me grupe kriminale që veprojnë në zonë.

Policia Vendore e Fierit ka njoftuar se ditën e nesërme do të zhvillojë një konferencë për shtyp, ku pritet të bëhen publike detaje shtesë për operacionin, provat e sekuestruara dhe masat ligjore që do të merren.