Ditën e sotme është mbajtur protesta e opozitës në Tiranë, ditë e cila përkonte edhe me Samitin e BE-Ballkani Perëndimor.
Në protestën e opozitës morën pjesë mijëra qytetarë, të pajisur me pankarta në duar dhe me fjamuj të Bashkimit Europian dhe vendeve të Perëndimit.
Gjatë marshimit në Bulevard, ndodhi edhe një incident i papritur, ku kryetari i Partisë Demokratike, Sali Berisha, u sulmua me grusht në fytyrë nga një aggressor i pranishëm atje.
Agresori u kap menjëherë nga simpatizantët e Berishës dhe u shoqërua fillimisht në Selinë e PD-së e më pas në polici. Pavarësisht grushtit dhe gjakut në fytyrë, Berisha vijoi me axhendën e tij, ku u ngjit në podium dy herë për të mbajtur fjalim, një herë në nisje dhe një herë në përfundim.
Në protestën e opozitës mbajti një fjalë të shkurtër edhe kryetari i Partisë së Lirisë, Ilir Meta, i cili ashtu si Berisha theksuan rëndësinë që vendet e unionit të njiheshin me problematikat që po has vendi ynë dhe sipas tyre edhe me korrupsionin e qeverisë Rama.
Pjesëmarrësit që folën gjatë protestës së opozitës nxorrën në pah shumë prej provlematikave që po has vendi yne gjatë qeverisjes së Edi Ramës dhe theksuan se e vetmja mënyrë për ndryshim është largimi i qeverisë aktuale.
Kutjojmë se protesta zgjati për rreth dy orë dhe u mbyll me një fjalë të Berishës në shkallët e selisë së Partisë Demokratike, ku u premtoi demokratëve që ata do të bëjnë gjithçka për rrëzimin e Ramës nga pushteti.
