Sulmuesi i Kombëtares shqiptare, Sokol Cikalleshi rikthehet te goli teksa ka realizuar një dopietë mesditën e sotme me Koniasporin e tij në ndeshjen ndaj Gëztepesë.

“Bomberi” kuqezi realizoi golin e parë në minutën e 25-të, duke ndjekur saktë aksion në shtyllën e dytë. 31-vjeçari shënoi sërish në minutën e 72 pasi i largohet mjaft mirë mbrojtësave duke realizuar dhe dhuruar tre pikët skuadrës së tij sot në kampionat.

Cikalleshi ka realizuar kështu pas një periudhe të gjatë ku i mungonte goli që prej 21 shtatorit në fitoren ku Koniaspori arriti ndaj Altajit në Superligën turke.

Me këtë sukses, Koniaspor klasifikohet në vendin e tretë në kuotën e 23 pikëve.

Sulmuesi kuqezi, pasi u prek nga Covid-19, është rikthyer në formën e tij më të mirë përpara dy sfidave të fundit të Kombëtares.

Ky është një lajm shumë i mirë edhe për trajnerin Edy Reja, me italian i cili beson shumë tek sulmuesi kavajas.