Në 2 prill të vitit 1999, në Kralan të Gjakovës, forcat ushtarake dhe policore serbe ndanë qindra djem dhe burra nga grupi i shqiptarëve, që kishin braktisur shtëpitë e tyre për të shpëtuar nga krimeve serbe. Të tjerët, përfshirë gra, fëmijë dhe pleq, u urdhëruan të shkonin drejt Shqipërisë.

Dy ditë më vonë, më 4 prill, një grup i djemve dhe burrave të mbajtur në livadh u lirua, ndërsa disa prej tyre mbeten të zhdukur përjetë.

Fondi për të Drejtën Humanitare (FDH) në vitin 2013 kishte bërë kallëzim penal ndaj disa eprorëve të Ushtrisë Jugosllave për krimet në Kralan. Trupat e 18 të ndaluarve u gjetën në një varrezë masive pranë liqenit të Peruçës, në Bajina Bashta të Serbisë.

Shoqata “Familja dhe Shpresa” kërkonte hetimin e vrasjes së 86 civilëve shqiptarë nga policia serbe më 4 prill 1999, duke theksuar se askush nga fajtorët për masakrën nuk është dërguar para drejtësisë.