Reperi kosovar Fero rrëfeu në emisionin e Arbana Osmanit për besimin e tij islam, të cilin e nisi pas divorcit nga ish-bashkëshortja, Arbenita Ismajli.
Ai tha se praktikon fenë islame prej më shumë se dy vitesh, dhe se në fillim përshtatja ishte e vështirë, por më pas arriti të gjejë ekuilibrin.
“Kam dy vite e disa muaj… muajt e parë ishin të vështirë, por pastaj kam vlerësuar çdo gjë në jetë. Çdo njeri është mirë të mos lidhet me shoqëri të keqe. Nuk ka e mirë që vjen prej të keqes,” tha reperi, duke shtuar se nuk i lë asnjëherë vakte të namazit.
Fero theksoi se besimi i ka mësuar se çdo gjë në jetë ka vlerë, duke e bërë të ndjejë një qetësi dhe disiplinë të re në jetën e tij.
