Dy efektivë të Policisë së Burgjeve kanë ndërruar jetë një natë më parë teksa ndodheshin në krye të detyrës pranë Burgut 313 në Tiranë.

Sipas informacioneve paraprake, dyshohet se viktimat, Zog Muhametaj, 62 vjeç, dhe Pëllumb Vrana, teknik i kamerave të burgut, kanë pësuar arrest kardiak.

Mësohet se njëri prej efektivëve ka ndërruar jetë rreth orës 21:00 të mbrëmjes së djeshme, ndërsa tjetri rreth orës 01:00 pas mesnate.

Aktualisht nuk ka ende një njoftim zyrtar për ngjarjen, ndërsa hetimet dhe verifikimet për rrethanat e sakta të vdekjes vijojnë.