Një 38-vjeçar u plagos në këmbë nga një plumb i qëlluar nga një oficer i karabinierisë gjatë një ndërhyrjeje policore për një rast vjedhjeje me thyerje, pas një telefonate të bërë në numrin e emergjencës 112.

Ngjarja ndodhi në zonën e Filetto-s, në provincën e Chieti-t, në një banesë të izoluar jashtë zonës urbane, e cila rezulton të jetë në pronësi të vetë personit të plagosur. Rrethanat konkrete që çuan në përdorimin e armës nga ana e forcave të rendit mbeten ende të paqarta.

38-vjeçari u transportua menjëherë drejt spitalit të kryeqytetit të rajonit Abruzzo, ku po merr trajtim mjekësor. Sipas burimeve spitalore, ai ndodhet jashtë rrezikut për jetën.

Ndërkohë, Njësia Hetimore e Chietit ka nisur hetimet për zbardhjen e plotë të ngjarjes. Po kryhen analiza teknike dhe mjeko-ligjore, ndërsa procedurat po zhvillohen nën koordinimin e prokurorisë lokale, e cila pritet të sqarojë dinamikën dhe përgjegjësitë e rastit.