Një plagosje me çekiç është shënuar mbrëmjen e sotme në fshatin Suk të Roskovecit.

Sipas burimeve, një shtetas ka shkuar në banesën e ish-bashkëjetueses së tij, ku pas një konflikti me babain e saj, dyshohet se e ka goditur me çekiç.

I plagosuri, E.G., është transportuar me urgjencë drejt Spitalit Rajonal të Fierit. Sipas informacionit paraprak, ai ndodhet jashtë rrezikut për jetën.

Pas ngjarjes, autori i dyshuar është larguar nga vendi i ngjarjes.

Policia ka nisur kërkimet për identifikimin dhe kapjen e tij, ndërsa vijojnë hetimet për zbardhjen e plotë të rrethanave dhe shkaqeve të konfliktit.