Drejtori i komanduar i Policisë së Shtetit, Sokol Bizhga, ka firmosur më 17 shtator urdhrin për miratimin e fondit të kompensimit ushqimor për efektivët e policisë. Lista e produkteve të përfshira në këtë skemë përfshin ushqime, pije dhe ushqim për kafshët shtëpiake, por vërehet se mungojnë produktet e higjienës.
Norma e kompensimit ditor për efektivët është vendosur në 450 lekë. Shuma që do të paguhet do të varet nga orët e punës të realizuara gjatë periudhës dhjetor 2023 deri në gusht 2024. Kalimi i shumës do të bëhet nëpërmjet kartave bankare të posaçme të hapura në bankat e nivelit të dytë.
