Princesha Beatrice, mbesa e mbretëreshës së ndjerë Elizabeth, ka shpërndarë një lajm emocionues me publikun. Ajo dhe bashkëshorti i saj, Edoardo Mapelli Mozzi, janë në pritje të fëmijës së dytë së bashku.
Njoftimi u bë përmes një postimi zyrtar në Instagramin e Pallatit Buckingham, ku u theksua se të dyja familjet janë “të lumtura” për këtë lajm të gëzueshëm.
Në përshkrimin e njoftimit, i shoqëruar me fotot e Princeshës Beatrice dhe Edoardo Mapelli Mozzi, thuhet: “Lartësia e saj mbretërore Princesha Beatrice dhe z. Edoardo Mapelli Mozzi janë shumë të lumtur të njoftojnë se ata janë në pritje të fëmijës së tyre të dytë së bashku në fillim të vitit të ri; një vëlla ose motër për Wolfie-n dhe Sienna-n.” Ky lajm ka sjellë gëzim në mesin e ndjekësve të familjes mbretërore, që presin me padurim të njohin anëtarin e ri të familjes.
