Fotot e qenve me qime blu në zonën e përjashtimit të Çernobilit kanë shkaktuar spekulime se rrezatimi bërthamor mund të kishte ndryshuar ngjyrën e tyre. Por biologu Timothy Musso, këshilltar shkencor i organizatës “Qentë e Çernobilit”, shpjegon se ngjyra blu nuk lidhet me mutacione, por me sjellje johigjienike të kafshëve.

Sipas Musso, disa qen kanë marrë ngjyrë blu pasi janë rrokullisur në jashtëqitje të përmbysura nga tualetet e lëvizshme në zonë. Ai thekson se kjo nuk është asnjë përshtatje evolucionare ndaj rrezatimit, por thjesht një shenjë e zakonshme e kafshëve që hanë ose rrokullisen në gjithçka që u bie në dorë.

Aktualisht rreth 700 qen enden në zonën e ndaluar të Çernobilit. Ata, blu apo jo, janë pasardhës të kafshëve shtëpiake të braktisura në vitet ’80 dhe jetojnë në kushte të rrezikshme, të ndjekur nga tufa ujqërish dhe të ekspozuar ndaj kequshqyerjes dhe tërbimit. Kujdesi për ta sigurohet nga organizata humanitare “Qentë e Çernobilit”.