Në daljet e tij të fundit, Ilir Meta, kryetari i Partisë së Lirisë, ka akuzuar kryeprokurorin e SPAK, Altin Dumani, për dëshirën për të sekuestruar partinë dhe për t’ia dorëzuar Ramës. Meta ka vijuar akuzat në një emision televiziv, duke bërë përplasje parimore me SPAK-un dhe duke hedhur dyshime mbi veprimet e tij. Ai gjithashtu ka përdorur argumente për të mbështetur pretendimet e tij rreth përdorimit të Lulzim Bashës nga Rama për të marrë vulën e PD-së.
Sipas Metës, Rama përdori Lulzim Bashën për t’i marrë vulën PD-së që drejtohej nga Berisha.
Meta: Përplasja me SPAK është vetëm parimore dhe asgjë tjetër. Nuk ekziston asnjë skenar për mua.
Kikia: Çfarë fakti keni që zoti Dumani do sekuestrojë PL?
Meta: SPAK mbylli çështjen e Lulzim Bashës dhe e përdorën për të marrë vulën e cila i takonte PD-së së vërtetë që drejtohej nga Berisha. Kush e bëri këtë? Unë e bëra? Gjykata vendosi që vula i takon PD dhe kjo është PD.
Kikia: Kush do ta marrë vulën e PL-së? Thoni që do ta marrë vulën dhe do t’ia çojë Ramës? Kjo është figurative?
Zili: Kë po përdor Rama në PL, nëse në PD përdori Lulzim Bashën?
Meta: Nuk ka çfarë të përdorë, nuk ka buburrec që i merr partinë Erisa Xhixhos dhe Tedi Blushit. Ne jemi partia më transparente.
