Kryeministri Edi Rama, ka qenë në takimin elektoral në Kukës. Njësoj si në takimet e tjera, kryeministri Rama është përqendruar për të folur për dyshen Berisha-Meta, sakaq dhe premtimet e tij për të mos bashkëpunuar me kandidatët e opozitës nëse do të zgjidhen si kryebashkiakë. Për Berishën, Rama është shprehur që vjen vërdallë duke ofenduar, po ashtu shton se nga politika njeriu e humb mendjen. Për këtë arsye kryeministri thotë se u ka kërkuar “të shtëpisë” që nëse bëhet ndonjëherë si ish-kryeministri të mos e lënë të dalë nga shtëpia.
Edi Rama: Kur kishte borë s’kalohej mo, sot dimër verë, kalohet. Do bëjmë hyrjen e Kukësit. Po kush do jua bëj, Likja? Jepjani votën, jo ju, se ju që jeni këtu e kanë ndarë mendje, e kam me ata që s’kanë ardhur këtu. Jepjani votën dhe do shihni pastaj nga do hyni për në Kukës. Po të ishte me e bërë ata, e kishin bërë më parë. Në Kukës, këto lagjet kush i boni? Likja? Se për atë tjetrin s’po flas fare se është bërë për të keq, e vetmja gjë që u them atyre të shtëpisë është amon po u bëra si puna e tij mos me lini të dal nga shtëpia. Se njeriu e humb, politika të merr mendjen, pushteti të merr mendjen. Lëre po u fute në halle si të atij shkretit, që del Amerika çohet dhe thotë m’u hiq sysh se s’të shoh dot me sy. E kupton ti sa e thellë është kjo punë? E keni parë,vjen vërdallë vetëm shan, merret me njerëz, gra, burra, kalamaj, se kujton se janë të gjithë si puna e tij. Edhe këtë kandidatin këtu e ka sjellë për hall, e ka ndihmuar.
