Kryeministri i Britanisë, Rishi Sunak, ka mbajtur fjalën e fundit si kryeministër jashtë Downing Street, ku njoftoi dorëheqjen e tij si udhëheqës i konservatorëve pas humbjes së thellë të partisë së tij në zgjedhjet e fundit. Në deklaratën e tij për mediat, Sunak mori përgjegjësinë për humbjen e konservatorëve dhe kërkoi falje votuesve për rezultatin.

“Unë i dhashë gjithçka qeverisë, por ju dërguat mesazhin se qeveria duhet të ndryshojë”, tha Sunak, duke u kërkuar falje edhe kandidatëve konservatorë. Ai gjithashtu uroi kundërshtarin e tij, Sir Keir Starmer, dhe partinë Laburiste për fitoren në zgjedhje, duke e quajtur Starmerin një politikan modest dhe duke i uruar atij dhe familjes së tij sukses në tranzicionin e madh në jetën e tyre.

Sunak falënderoi gjithashtu familjen e tij për sakrificat që bënë për t’i mundësuar atij t’i shërbente vendit, duke theksuar se është i nderuar që ka shërbyer si kryeministër dhe duke e quajtur Britaninë “vendin më të mirë në botë” falë britanikëve, të cilët ai i konsideron burimin e vërtetë të sukseseve të vendit.

Ndërkohë, mediat e huaja raportojnë se Mbretëresha Charles III ka pranuar dorëheqjen e Rishi Sunak si Kryeministër, ndërsa pritet që Sir Keir Starmer të betohet në detyrë si kryeministër i ri.