Teksa lufta ka hyrë në javën e tretë në Ukrainë, duket se Rusia po përdor të gjitha rrugët për të realizuar planin e saj, duke shënjestruar edhe forcat civile.

Mediat ndërkombëtare raportojnë se trupat ruse kanë marrë nën kotroll një spital në Mariupol dhe kanë marrë peng rreth 500 njerëz gjatë një sulmi tjetër në qytetin port jugor të martën vonë.

Lajmi u konfirmuar dhe nga udhëheqësi rajonal Pavlo Kyrylenko.

Trupat ruse çuan 400 njerëz nga shtëpitë fqinje në Spitalin Rajonal të Kujdesit Intensiv, tha Kyrylenko në aplikacionin e mesazheve Telegram. Rreth 100 mjekë dhe pacientë gjithashtu besohet të jenë brenda, tha ai.

Rusët po i përdorin civilët brenda spitalit si mburoja njerëzore dhe nuk po lejojnë askënd të largohet, tha ai.

“Është e pamundur të largohesh nga spitali, ata po qëllojnë fort,” tha Kyrylenko.

Kyrylenko tha se ndërtesa kryesore e spitalit është dëmtuar rëndë nga bombardimet, por stafi mjekësor po vazhdon të trajtojë pacientët në repartet e improvizuara të vendosura në bodrum.

Ai i bëri thirrje botës që t’i përgjigjet këtyre “shkeljeve të rënda të normave dhe zakoneve të luftës, këtyre krimeve skandaloze kundër njerëzimit”.

Shtabi i Përgjithshëm i ushtrisë ukrainase thotë se trupat ruse po përpiqen të bllokojnë qytetin nga periferitë perëndimore dhe lindore të qytetit. “Ka humbje të konsiderueshme”, thuhet në një postim në Facebook.