Kreu i Partisë Demokratike, Sali Berisha, ka njoftuar nga jashtë Parlamentit se është i gatshëm të kërkojë falje ndaj ambasadorit të Bashkimit Evropian në Shqipëri, Silvio Gonzato, nëse deklaratat e tij më herët janë perceptuar si fyerje.
Berisha theksoi se qëllimi i tij nuk ka qenë të ofendojë, duke sqaruar se komentet e tij lidhen me informacione të mëparshme të ambasadorit:
“Nëse ai e konsideron fyerje, unë do e rikonsideroj qëndrimin tim, i kërkoj të falur por kjo nuk përbën fyerje,” tha Berisha.
Ai shtoi se fjala e tij ishte thjesht një përsëritje e asaj që ambasadori Gonzato kishte bërë publik më parë, duke theksuar se nuk kishte qëllim të dëmtonte reputacionin e diplomatit.
