Pas përfundimit të mbledhjes së Kryesisë së Partisë Demokratike, deputeti Ervin Salianji ka folur për mediat lidhur me diskutimet e zhvilluara dhe vijimësinë e lëvizjeve politike të opozitës.
I pyetur nga gazetarët mbi mobilizimet e ardhshme të PD-së, Salianji theksoi se opozita do të ecë përpara, duke nënvizuar se ndryshimi nuk mund të vijë pa përplasje dhe sakrifica.
“Kishte mendime të ndryshme, ajo që di t’ju them është se do ecim përpara. Nuk do ketë ndryshim pa sakrifica edhe pa reagime dhe pa përplasje. Do vazhdojmë, do ecim përpara. Çdo akuze dhe çdo idiotësie do t’i përgjigjemi me fakte konkrete dhe me emra konkretë”, u shpreh Salianji.
Ndërkohë, interes ka ngjallur edhe zbardhja e diskutimeve të brendshme në mbledhjen e Kryesisë, ku mësohet se Salianji ka kërkuar dorëheqjen e deputetit Flamur Noka. Ky zhvillim pritet të sjellë reagime të mëtejshme brenda radhëve të Partisë Demokratike.
