Në qarkun e Shkodrës ka nisur zyrtarisht shpërndarja e materialeve zgjedhore në kuadër të zgjedhjeve parlamentare të 11 majit. Procesi po vijon pa probleme, ndërsa mbi 74 mijë qytetarë në këtë qark kanë të drejtë vote.
Në nivel kombëtar, 3.7 milionë shtetas shqiptarë janë thirrur për të zgjedhur 140 deputetët që do t’i përfaqësojnë në Kuvendin e ri të Shqipërisë.
Për herë të parë, pjesë e procesit zgjedhor është edhe diaspora, me 245,935 emigrantë të regjistruar për të votuar nga jashtë. Megjithatë, janë evidentuar probleme me kthimin dhe dorëzimin e zarfave të votimit, veçanërisht në Greqi, çka ka ngritur shqetësime për vlefshmërinë e votave të emigrantëve.
Në garë për zgjedhjet e 11 majit janë 11 subjekte dhe koalicione politike, secili me 186 kandidatë në listat për deputetë, ndërsa 46 prej tyre konsiderohen në “listën e sigurt”, pra me shanse të larta për t’u zgjedhur.
