Një shpërthim ka ndodhur në rrugën Istiklal, një nga rrugët më të frekuentuara të Taksimit, për një arsye të panjohur. Mësohet se nga shpërthimi ka pasur shumë të plagosur dhe humbje jete. Ndërkohë që në vendngjarje janë dërguar një numër i madh i ekipeve mjekësore. Ekipet e policisë kanë marrë masa të gjera sigurie në vendngjarje. Ndërkohë që rruga Istiklal është e mbyllur për qarkullimin e këmbësorëve.

Të paktën katër persona janë vrarë dhe 38 janë plagosur në një shpërthim në rrugën historike Istiklal të Stambollit. Guvernatori i Stambollit Ali Yerlikaya tha në Twitter se ka pasur viktima nga shpërthimi që ndodhi rreth orës 16:20 me orën lokale të dielën.

“Sipas raporteve fillestare, nga shpërthimi që ndodhi në rrugën Istiklal, katër persona humbën jetën dhe 38 persona u plagosën. Të plagosurit tanë po trajtohen. I urojmë mëshirën e Zotit për ata që humbën jetën dhe shërim të shpejtë për të lënduarit. Zhvillimet do të ndahen me publikun”, ka shkruar ai në Twitter.

Shkaku i shpërthimit nuk ishte menjëherë i qartë.

Pamjet treguan ambulanca, zjarrfikëse dhe polici në vendngjarje në rrethin Beyoglu. Ekipet e policisë morën masa sigurie në zonën ku ndodhi shpërthimi.

Përdoruesit e mediave sociale thanë se dyqanet ishin mbyllur dhe rruga u mbyll.