Tre persona kanë mbetur të plagosur, dy prej tyre në gjendje të rëndë, pas një shpërthimi të ndodhur pranë hyrjes së një ndërtese banimi në Monako.

Sipas raportimeve paraprake, një person dyshohet se ka lënë një çantë shpine me lëndë shpërthyese pranë hyrjes së pallatit, e cila më pas ka shpërthyer.

Të plagosurit raportohet se përfshijnë persona të moshës 50 dhe 60 vjeç, si edhe adoleshentë. Sipas informacioneve fillestare, viktimat janë me origjinë ruse dhe ukrainase.

Autoritetet kanë nisur hetimet për të zbardhur rrethanat e ngjarjes dhe për të identifikuar autorin e dyshuar. Deri më tani, motivi i sulmit mbetet i paqartë.

Raportimet janë ende paraprake dhe priten njoftime zyrtare për më shumë detaje.