Të tjera dëshmi të rënda vijnë nga Velipoja, aty ku shpërtheu bombola e gazit, duke plagosur katër anëtarët e familjes Gjoka, pronarë të një hoteli.

Miku i familjes Gjoka, 62-vjeçari Zef Zefi ka rrëfyer për mediat momentet e para pasi kishte ndodhur shpërthimi i fortë dhe zjarri më pas përfshiu hotelin, duke shkatërruar thuajse tërësisht katin e tij të parë.

Sipas të afërmit të familjes, të lënduar kanë mbetur nëna me tre fëmijët, të cilët kishin pak orë që kishin mbërritur në hotel, pasi banojnë në Lezhë.

“Dola per te blere nje buke dhe kur degjova shperthimin. Vi kendej kur shoh tymin. Keto i kam miq. Kur erdha ketu i gjeta te gjithe ne pishine.

Jane zgjuar ne mengjes si çdo dite per te bere nje kafe dhe sa ka ndezur bombolen e gazit ka shperthyer dhe me duket se ka patur nje rrjedhje.

Gjendja eshte shume e rende dhe kane djegie komplet. Ndoshta uji i pishines i ka bere mire por dikush thote se edhe jo sepse ia ka hequr nje pjese te lekures se trupit dhe them ishalla i ka ndihmuar uji. Mbreme sa kane ardhur tek hoteli. Miku ndodhet ne Itali dhe i ka thene familjes shkoni e pastroni hotelin me idene per te filluar punen se ketu nis me vonese sezoni turistik. Sa kane ardhur kane pastruar mbreme dhe ne megjes ka ndodhur kjo ngjarje”.