Një incident i rëndë është shënuar natën e kaluar në kantierin e punimeve për infrastrukturën e qytetit të Sarandës, ku persona të paidentifikuar kanë sulmuar një mjet pune cekic. Sipas burimeve, sulmuesit kanë përdorur tuba hekuri dhe gurë për të shkaktuar dëmtime të konsiderueshme në mjetin që po kryente punime për infrastrukturën rrugore.

Mjeti ka pësuar dëmtime të rënda, duke përfshirë xhamat dhe sistemin e tij të punës, gjë që ka ndikim të drejtpërdrejtë në ecurinë e punimeve. Ky projekt është kontraktuar nga kompania Alb Star dhe realizohet nga nënkontraktori Adil Roboçi, i cili është angazhuar për të përfunduar ndihmën në ndërtimin e infrastrukturës rrugore të qytetit.

Policia ka nisur hetimet për të identifikuar autorët e këtij akti vandalizmi. Sipas pronarëve, ata nuk kanë pasur asnjë konflikt me të tjerë dhe dyshojnë se arsyeja mund të lidhet me konkurrencën në këtë fushë.