Policia kufitare zbuloi dhe sekuestroi në portin e Durrësit 294, 030 euro të fshehura në dy kamionë, njëri prej të cilëve kishte pjesën më të madhe, 282 265 euro.

Sipes raportimeve në Opennews.al mësohen emrat e personave të arrestuar dhe në kërkim.

Raportohet se në pranga ka rënë shoferi Ferdinant Murikaj, ndërsa në kërkim është shpallur pronari firmës që merrej me transportin e mjeteve, Erjon Jovani.

I proceduar në gjendje të lirë është Aldo Lika 34-vjeç që ju gjetën në çantën personale 11 765 euro.

Dyshohet se këto para vijnë nga veprimtari kriminale. Erjon Jovani, është pronar i një firme që merret me transport automjetesh drejt vendeve të huaja.

Mapo mëson se paratë ishin të paketuara dhe të koduara.