Tre shqiptarë që kishin mbërritur ilegalisht në Angli u zbuluan në një shtëpi bari teksa kujdeseshin për drogën.
Kur Edison Sulanjaku u arrestua pas një pazari droge në West End të Newcastle, oficerët panë një aplikacion që kontrollonte pamjet e kamerave të sigurisë të shtëpisë së barit në telefonin e tij celular.
Kjo i çoi ata në një fabrikë droge në shkallë industriale, me pothuajse 2,000 bimë me vlerë më shumë se 800,000 £, të cilat ishin ngritur nga një bandë kriminale në një njësi në Dunston, Gateshead.
Sulanjaku mësohet se kishte rolin e “mbikëqyrësit” ndërsa dy arrestuarit e tjerë Besnik Çela dhe Xhenifer Muça ishin “kopshtarët”.
Të tre u deklaruan fajtorë, Sulanjaku, 24 vjeç u burgos për katër vjet e gjysmë, Muça, 22-vjeç u dënua me 18 muaj dhe Çela, 49 vjeç, 16 muaj. Ata do të dëbohen pasi të kenë vuajtur gjysmën e dënimit pas hekurave.
