Të shtëna me armë kanë tronditur mbrëmjen e së shtunës qytetin e Lezhës.

Burimet bëjnë me dije është qëlluar nga një makinë në drejtim të një personi që po udhëtonte në Foristradë Mercedes Benz tip ‘ML’. Si pasojë e të shtënave me armë makina ka dalë nga rruga dhe ka përfunduar në kanal.

Shënjestër kanë qenë një 28-vjeçar nga Miloti me mbiemrin Preci, teksa në makinë ka qenë edhe një person tjetër. Ndaj tij është qëlluar me breshëri automatiku, teksa fatmirësisht Preçi dhe pasagjeri u kanë shpëtuar plumbave.

Bëhet me dije se autoret janë larguar në drejtim të Laçit me një makinë tip “Audi” ngjyrë gri. Grupi hetimor në vendngjarje po administron çdo provë e të dhënë, për identifikimin e autorëve dhe zbardhjen e plotë të rrethanave të ngjarjes. Janë ngritur pika kontrolli si dhe po bëhet krehja e zonës me qëllim kapjen e autorëve.

Njoftimi i policisë:
Lezhë / Informacion paraprak

Rreth orës 20:05, në Ishull Lezhë, është qëlluar me armë zjarri në drejtim të një mjeti në lëvizje, brenda së cilit udhëtonin shtetasit B.P.dhe K.P.

Për pasojë nuk ka persona të lënduar.

Grupi hetimor në vendngjarje po administron çdo provë e të dhënë, për identifikimin e autorëve dhe zbardhjen e plotë të rrethanave të ngjarjes.

Janë ngritur pika kontrolli si dhe po bëhet krehja e zonës me qëllim kapjen e autorëve.