Japonia po përvëlohet nga temperaturat shumë të larta që kanë goditur vendin për të katërtën ditë radhazi.

Të martën, vapa në kryeqytet theu rekordet gati 150-vjeçare për qershorin dhe autoritetet paralajmëruan se furnizimi me energji elektrike është në momente kritike dhe paralajmërohet ndërprerje e saj.

Vala e të nxehtit vjen më pak se dy javë përpara zgjedhjeve kombëtare në të cilat çmimet, duke përfshirë koston e energjisë elektrike, janë ndër çështjet kryesore të zgjedhura nga votuesit në sondazhet e opinionit që tregojnë rënien e vlerësimit dhe miratimit të qeverisë.

Pplitikanët përfshirë guvernatorin e Tokios kërkojnë ulje të çmimit të energjisë elektrike.

Temperaturat në kryeqytet arritën 35,1 gradë Celsius deri në orën 13:00 me orën lokale të martën, pas tre ditëve të njëpasnjëshme me temperatura që kalonin 35 gradë C, niveli më i lartë i të nxehtit në qershor që nga fillimi i regjistrimeve në 1875.

Dhe vala e të nxehtit nuk duket se do të mbarojë shpejt.

Agjencia Meteorologjike e Japonisë parashikoi temperatura maksimale prej 36 gradë C për Tokion të enjten dhe 35 gradë C të premten.

Me këtë situatë rastet e shtrimeve në spital u rritën, e shërbimet e urgjencës thanë se 76 persona u dërguan në spital në Tokio.