Një 62-vjeçar shqiptar ka tentuar të vrasë me thikë gruan e tij 58-vjeçare në Torino të Italisë. Siç shkruajnë mediat italiane, fqinjët ishin ata që lajmëruan policinë pasi dëgjuan britmat e gruas. Kjo e fundit është dërguar në spital me dy plagë të rënda në fytyrë dhe një në shpatull. Ndërkohë, në pranga është vënë autori i plagosjes.
Bazuar në informacionet paraprake, ka dyshime se çifti kanë pasur debate të herëpashershme. Tashmë mbi shqiptarin rëndon akuza e “vrasjes së mbetur në tentativë dhe keqtrajtim familjar”. Ende nuk dihet motivi i ngjarjes, ndërsa 62-vjeçari ndodhet në burgun e Ivreas.
