Një tërmet është regjistruar këtë mëngjes në Itali. Epiqendra e tërmetit ishte në bregdetin Pesaro Marche në një thellësi prej 8 kilometrash dhe me magnitudë 5.7 ballë.

Tërmeti u ndje në të gjithë Italinë qendrore dhe u pasua më pas edhe nga lëkundje të tjera herë pas here. Tërmeti u ndje edhe në Romë, Firence, Bolonja dhe në veri të Italisë, deri në Trentino.

Kokainë me vlerë 3.5 milionë euro e fshehur tek marshi i makinës, arrestohet 21 vjeçari shqiptar në Itali, si u kap nga policia
Për shkak të tërmetit është pezulluar lëvizja me tren në afërsi të Ankonës, pasi dyshohet se janë dëmtuar binarët e hekurudhës dhe do kryhen kontrolle. Në zonën e Ankonës, tani për tani, janë raportuar çarje në mure, klinika Villa Igea është evakuuar.

Ende nuk ka raportime për njerëz të lënduar. Kryeministrja italiane, Giorgia Meloni, tha se është në kontakt me agjencinë e mbrojtjes civile të shtetit, që monitoron situatën.

Shumë njerëz të frikësuar kanë dalë në rrugë. Të gjitha ekipet e zjarrfikësve, veçanërisht në zonën e Pesaros, por edhe në Ankona, janë jashtë për kontrolle.

Kryebashkiaku i Senigallia ka urdhëruar mbylljen e shkollave të të gjitha niveleve për të verifikuar nëse ndërtesat kanë pësuar dëmtime në strukturë.