Komisioneri Shtetëror i Zgjedhjeve (KZHZ) vendosi sot në seancën publike dhënien e mandateve për kryetarët e bashkive dhe për këshillat bashkiakë të përzgjedhur në zgjedhjet e pjesshme të 9 Nëntorit 2025.

Mandatet iu dhanë kryetarëve të bashkive të mëposhtme:
• Brunilda Mersini – Bashkia Vlorë, propozuar nga Partia Socialiste e Shqipërisë;
• Ervin Ceca – Bashkia Berat, propozuar nga Partia Socialiste e Shqipërisë;
• Florenc Doka – Bashkia Cërrik, propozuar nga Partia Socialiste e Shqipërisë;
• Altin Bojni – Bashkia Mat, propozuar nga Partia Socialiste e Shqipërisë;
• Gramos Sako – Bashkia Tepelenë, propozuar nga Partia Socialiste e Shqipërisë.

Gjithashtu, u plotësuan edhe vakancat në tre këshilla bashkiakë:
• Pranvera Koka – Këshilli i Bashkisë Mat, nga lista shumemërore e Partisë Socialiste të Shqipërisë;
• Shyqyri Hoxha – Këshilli i Bashkisë Tropojë, nga lista shumemërore e Partisë Bindja Demokratike;
• Ervis Çaushaj – Këshilli i Bashkisë Himarë, nga lista shumemërore e koalicionit “Bashkë Fitojmë”.

Vendimi i KZHZ-së shënon përfundimin e procesit të zgjedhjeve të pjesshme dhe plotësimin e mandateve vakante në bashkitë dhe këshillat e vendit.