Një ngjarje e rëndë është shënuar mëngjesin e sotëm në aksin rrugor Levan–Vlorë, në afërsi të fshatit Bishan, ku një 36-vjeçar ka humbur jetën brenda automjetit të tij.

Sipas njoftimit të Policisë së Vlorës, viktima është shtetasi R. P., 36 vjeç, banues në Berat, i cili u gjet pa shenja jete në një automjet tip Volkswagen, të ndaluar në xhepin anësor të autostradës.

Nga hetimet paraprake dyshohet se i riu ka humbur jetën si pasojë e problemeve shëndetësore, pasi vuante nga epilepsia.

Në vendngjarje kanë mbërritur shërbimet e policisë dhe grupi hetimor, të cilët po punojnë për zbardhjen e plotë të rrethanave të kësaj ngjarjeje tragjike.