Një burrë 41-vjeçar i njohur për rastet e dhunës në familje eshte dorëzuar sot në polici duke rrëfyer se ka vrarë tre vajzat e tij, 4, 10 dhe 11 vjeç, brenda shtëpisë së tyre në Alfortville, një periferi të Parisit.

Prokuroria publike në Creteil konfirmoi vdekjen e “tre vajzave të vogla, të moshës 4, 10 dhe 11 vjeç”. Babai u dorëzua në polici dhe deklaroi se kishte vrarë fëmijët e tij. Provat e para të hetimit tregojnë se dy fëmijët janë vrarë me thikë dhe trupat e tyre janë mbuluar me batanije, ndërsa fëmija i tretë ishte në një divan.

41-vjeçari kishte të paktën disa dënime në të kaluarën për dhunë ndaj gruas dhe fëmijëve të tij. Dy prindërit kishin kujdestarinë e alternuar të fëmijëve të tyre.

Autoritetet policore po hetojnë rastin, dhe një konferencë për shtyp pritet të mbahet nesër nga prokurori i Kreteig.

Ky rast vjen disa javë pas një ngjarjeje të ngjashme, ku një xhandar vrau tre vajzat e tij brenda shtëpisë së tyre në Vemar, afër Parisit. Niveli i lartë i dhunës në familje ka ngritur shqetësime në Francë dhe ka shtuar thirrjet për ndryshime ligjore dhe masat për parandalimin e këtyre tragjedive. Në vitin 2021, autoritetet regjistruan 64,300 viktima të dhunës në familje, duke treguar një rritje prej 16% krahasuar me vitin 2020.