Një ngjarje e rëndë ka ndodhur në Worcester të Amerikës, ku Bruna Flamuraj ka humbur jetën pas një konflikti me bashkëshortin e saj, Lindi Flamuraj, rreth orës 2 të mëngjesit të sotëm. Ngjarja ka ndodhur në sy të vajzës së çiftit dhe prindërve të tyre. Sipas informacioneve të para, shkaku i sherrit mes çiftit ka qenë xhelozia, dhe pas përplasjes fizike, autori ka marrë lëndime dhe është dërguar në spital për trajtim mjekësor.

Fqinji i çiftit, Peter Dauderis, ka rrëfyer se banorët e shtëpisë ku ndodhi ngjarja kishin jetuar aty për 15 vjet dhe se lagjia është zakonisht shumë e qetë. “Kjo është një lagje shumë e qetë. Ne kemi njerëz që ecin gjatë gjithë kohës. Thjesht rrallë ndodh diçka këtu. Është West Side of Worcester,” ka komentuar ai.