Shkëlzen Bushati, vëllai i Alma Arrazit, ka rrëfyer detaje të ndodhurave në lidhje me ngjarjen tragjike në Shkodër, ku 39-vjeçarja u vetëmbyt në ujërat e lumit Buna së bashku me tre fëmijët e saj, në një intervistë në emisionin “Me Zemër të Hapur” me moderatoren Evis Ahmeti.

Ai ka bërë të ditur se kishte pasur komunikim të fundit me Almën më datën 1, por pas kësaj nuk kishte biseduar më me të. Në lidhje me konfliktet mes çiftit, ai rrëfeu se kishte dijeni për një lidhje të bashkëshortit të Almës, duke shtuar se këto konflikte çuan në tragjedinë e rëndë.

Sipas tij, ky konflikt kishte ndodhur për herë të fundit në datën 1, dhe pas një periudhe të shkurtër komunikimi mes tyre u rikthye, por më pas problemet filluan sërish.

“Për herë të fundit me Almën kam folur në datën 1, që më ka uruar për diçka dhe nuk kam folur më. E pyeta si je si po shkojnë punët, kaq.
Mora vesh që ky kishte një lidhje, ne e dinim dhe për këtë arsye ka debatuar motra. Ndenji pak kohë tek ne, komunikoi sërish me bashkëshortin sepse ai i tha dua që të rri me ju. Ajo u kthye por ai nisi sërish.Kunati e ka tradhtuar motrën me të njëjtën vajzë. Unë vetë nuk e njoh.
Nuk di nëse motra e njihte. Thjeshtë më kishte thënë që dyshonte për një vajzë.
Motra i ka kapur telefonin, i ka pasur edhe video.
Alma me Erdgysin kanë 10-12 vite të martuar. Janë marrë me dashuri jo me shkuesi”, tha ai për gazetaren Anila Ahmataj.

Ai rrëfeu gjithashtu se kunati e kishte tradhtuar motrën me të njëjtën vajzë, por nuk e njihnin personalisht atë. Sipas tij, motra e tij dyshonte për një lidhje të tillë, duke përshkruar situatën si të dhimbshme për familjen.

Shkëlzen Bushati gjithashtu vuri në dukje se Alma dhe bashkëshorti i saj kishin qenë të martuar për 10-12 vjet dhe e kishin përjetuar marrëdhënien me dashuri dhe përkushtim, jo me konflikte.