Tre të rinj nga Saranda janë shpallur në kërkim nga Policia e Sarandës, pasi dyshohet se kanë goditur me sende të forta një 19-vjeçar. Konflikti ka ndodhur më 4 dhjetor 2024, në një lavazh në fshatin Metoq. Sipas policisë, dyshimet janë se tre shtetasit F. P. (21 vjeç), G. M. (19 vjeç) dhe M. A. (20 vjeç), të tre banues në fshatin Gjashtë, janë përfshirë në këtë ngjarje për motive të dobëta.
Fatmirësisht, i riu B. A., i cili u godit gjatë konfliktit, ndodhet jashtë rrezikut për jetën. Pas ngjarjes, Komisariati i Policisë Sarandë ka referuar materialet përkatëse në Prokurori, dhe ka shpallur në kërkim të rinjtë e dyshuar për veprime të mëtejshme ligjore.
