Vlorë, 14 Mars 2025 – Një ngjarje e rëndë ka tronditur qytetin e Vlorës, ku një grua rreth 35 vjeçe, në gjendje të dehur, ka përplasur disa herë në tokë foshnjën e saj vetëm 5 muajshe.

Ngjarja ka ndodhur në lagjen “Pavarësia”, ku qytetarët kanë njoftuar menjëherë policinë. Forcat e rendit kanë ndërhyrë në vendngjarje, duke i marrë foshnjën nga duart nënës, e cila ka kundërshtuar me forcë.

Fëmija është dërguar në spital për kontrolle mjekësore dhe fatmirësisht nuk ka dëmtime të dukshme, por mjekët po kryejnë një skaner për të vlerësuar gjendjen e organeve të brendshme.

Nëna është shoqëruar nga policia dhe po merret në pyetje. Sipas burimeve, ajo është e divorcuar, ndërsa autoritetet po hetojnë mbi rrethanat e ngjarjes dhe gjendjen e saj psikologjike.

Ky rast i rëndë ka ngritur shqetësime mbi sigurinë dhe mbrojtjen e fëmijëve në raste të tilla. Hetimet vijojnë për zbardhjen e plotë të ngjarjes.